بیری کھانے کے یہ انمول فائدے جان کر آپ کبھی بھی اس سے منہ نہیں موڑیں گے
ایک وقت تھا کہ گاؤں کے تقریباً ہر گھر میں بیر کا درخت ہوا کرتا تھا اور ہر سال بیر آنے پر گھر والے اور رشتہ دار ان سے مستفید ہوا کرتے تھے- لیکن بے رحم وقت جیسے جیسے آگے بڑھتا چلا گیا تو مکانوں کے لئے جگہ کم ہوتی چلی گئی جس کی وجہ سے گھر میں لگے ان بیر کے درختوں کو کاٹ دیا گیا- لیکن
اب بھی پسماندہ گاؤں میں بیر کے کافی درخت ہیں اس کے علاوہ کچھ لوگوں نے کاروبار کے لیے اپنے اپنے رقبہ میں بیر کے درخت لگا رکھے ہیں-بیر جب پک جاتا ہے تو سبز اور نرم ہوتا ہے لیکن اگر اس کو مزید درخت پر لگا رہنے دیں تو یہ خشک ہو جاتا ہے اور میوہ کی شکل اختیار کر لیتا ہے دونوں صورتوں میں اس کا ذائقہ بے مثال ہوتا ہے بیر آپ کو سردیوں کے موسم میں بازار میں دستیاب ہوتا ہے اور قیمت کے لحاظ سے بھی ہر ایک کی قوت خرید میں ہوتا ہے-اس پھل کو کئی صدیوں سے استعمال کیا جا رہا ہے نہ صرف اسے کھایا جاتا ہے بلکہ اسے ادویات میں بھی استعمال کیا جاتا ہے بیر ایک ایشیائی پھل ہے اور ایشیا کے تمام ممالک میں بکثرت پایا جاتا ہے
اس میں تین طرح کے سائز کے بیر ہیں ایک لمبوترے،ایک گول بڑے اور ایک گول چھوٹے ہیں . بیر کے درخت سے حاصل ہونے والا شہد جسے بیری کا شہد کہتے ہیں اس میں طبی لحاظ سے بہت سے فوائد ہیں اس کے پتے مال مویشیوں کے چارے کے طور پر استعمال میں لائے جاتے ہیں جبکہ اس کی لکڑی کو جلانے کے لئے استعمال کیا جاتا ہے- اگر بیر کو اقسام کے لحاظ سے دیکھا جائے تو اس کی کئی اقسام ہیں بیر کے چند فوائد دیکھتے ہیں .٭ بیر کھانے سے نظام انہظام درست کام کرتا ہے.٭بیر کھانے سے سانس کی نالیوں کی خرابیاں سے محفوظ رہا جا سکتا ہے.٭بیر کھانے سے بخار،نزلہ و زکام سے محفوظ رہا جا سکتا ہے.
٭بیر کھانے سے پیاس کم لگتی ہے.٭بیر پٹھوں کی مضبوطی کے لیے مفید ہیں.٭بیر معدے کے لیے بھی فائدہ مند ہے.٭بیر کھانے سے پیٹ اور آنت کے کیڑے ختم ہو جاتے ہیں٭بیر کھانے سے یاداشت میں بہتری آتی ہے٭جسم سے صفراوی مادوں کے اخراج میں مدد کرتا ہے
